CMACGM OFFICE
- Լոկացիա՝ Երևան, Հայաստան
- Նախագծման տարի՝ 2017 թ
- Փուլ՝ ավարտված
- Կատեգորիա՝ գրասենյակային տարածքներ
- Պատվիրատու՝ CMACGM Group
CMA CGM-ը միջազգային բեռնափոխադրումներով զբաղվող ընկերություն է: Իր հայաստանյան մասնաճյուղի համար մենք որոշեցինք մեր դիզայնի հայեցակարգը հիմնել ընկերության հիմնական արտադրանքի` բեռնափոխադրման վրա: Ինչպե՞ս։ Եթե ուշադիր լինեք, կարող եք նկատել կոնտեյների ձևը, որը առկա է նախագծում: Մենք այն դարձրինք ընկերության հիմնական գաղափարը և գրասենյակի ինտերիերի կենտրոնական տարրը:
Հիմնական տարածքի ոճը պարզ է։ Այն հանգիստ է և զուսպ: Դա ոգեշնչված էր ընկերության արժեքներից՝ համարձակ, ամբողջական, նախաձեռնող: Սպիտակ գույնը այս դեպքում նշանակում է ամբողջականություն, մոխրագույնն այստեղ համարձակությունն է խորհրդանշում, դե իսկ վառ նարնջագույնը բացի նախաձեռնությունից այլ բան չէր էլ կարող նշանակել:
Նյութերն ու տեքստուրաները ընտրվել են խնամքով, որպեսզի չխանգարեն և անձնակազմին բավարար հարմարավետություն հաղորդեն:
Ի տարբերություն հիմնական տարածքի, գործադիր տնօրենի գրասենյակը բավականին ջերմ է: Դա հենց գործադիր տնօրենի խնդրանքն էր`իր սենյակը դարձնել հարմարավետ, տաք և հաճելի:
Որքան էլ անհամատեղելի լինեն երկու ոճերը, նրանց միավորում է սիմֆոնիան:
- Հաջորդ նախագիծը
